Frábær menningarferð að baki.

Lögðum af stað kl.9 frá Húsavík og fórum í heimsókn í Garðshorn á Þelamörk fyrir hádegi. Þar var tekið höfðinglega á móti okkur. Fyrst var farið í hesthúsið, hestakostur skoðaður og hitt og þetta spurt. Svo var boðið upp á kaffi og með því á meðan Birna og Agnar sýndu okkur smá myndband um hrossaræktina þeirra.
Eftir það fengum við okkur hádegismat á Akureyri og héldum áfram í Litla-Garð. Þar fengum við líka höfðinglegar móttökur. Herdís og Biggi spjölluðu við okkur um þeirra hrossarækt og afrekshross frá Litla-Garði/Árgerði áður en við skoðuðum hesthúsið og hrossin. Margt efnilegt þar á ferð m.a. 2 Gangstersynir á 4.v.
Eftir það var ferðinni heitið heim og trúið mér, við vorum með nógu efni til að spjalla og spekúlera um.